Kryetari i Lidhjes Demokratike të Kosovës, Lumir Abdixhiku, ka pritur në takim ambasadoren e Izraelit në Kosovë, Tamar Ziv.
Bëhet e ditur se Abdixhiku e ka njoftuar ambasadoren Ziv për përgatitjet e LDK-së në lidhje me zgjedhjet, programin “Rruga e Re” si dhe “Turneun e Ndryshimit”.
“Kryetari Abdixhiku njoftoi ambasadoren Ziv për përgatitjet e Lidhjes Demokratike të Kosovës lidhur me Zgjedhjet Nacionale 2025, programin politik “Rruga e Re” si dhe “Turneun e Ndryshimit”, i cili ka marr një mbështetje të jashtëzakonshme nga qytetarët gjithandej Kosovës.
Kryetari Abdixhiku dhe ambasadorja Ziv diskutuan dhe për mundësitë për thellimin e bashkëpunimit mes dy vendeve tona në fusha specifike të cilat kanë për qëllim zhvillimin e Kosovës”, thuhet në njoftimin e LDK-së
