Kryetari i Aleancës për Ardhmërinë e Kosovës, Ramush Haradinaj, ka shprehur sonte akuza të rënda ndaj kryeministrit aktual, Albin Kurti.

Haradinaj ka theksuar se Kurti po përballet me çështje të rënda korrupsioni ndaj dhe e ka cilësuar si kandidat shumë serioz për të përfunduar në burg.

”Kurti është kandidat shumë serioz me përfundu në burg për korrupsion”, ka deklaruar pretendenti për kryeministër sonte në emisionin “Politiko”.

Ndër tjera, ai ka përmendur edhe përplasjet e Kurtit me institucionet e drejtësisë në vend.

Haradinaj tha se sa here që Prokuoria e heton për korrupsion, Kurti e sulmon e sulmon atë institucion.

Haradinaj e ka pranuar se është takuar me Milan Radojçiq në kohën sa ka qenë në qeverisje, porse ka theksuar se situata në atë kohë ka qenë krejtësisht ndryshe.

“Në kohën e qeverisjes Haradinaj, policia ka shku e ka marrë një zyrtar të Serbisë e ka pru në Prishtinë dhe e ka përcjellë në kufij. Ju kujtohet që Radojçiq që tash është bo kaq i zoti, ka qenë njo prej atyne. Policia ju ky hy në shtëpi në qeverisjen time”, ka thënë Haradinaj në një intervistë në ‘Politiko’ me Kushtrim Sadikun.

Tutje, ai ka thënë se në kohën e qeverisjes së tij, Radojçiq ksihte ikur dhe nuk ishte kthyer më në Kosovë.

“Këta po munohen jo e ka taku Ramushi-Radojçiqin. Po e kam taku si Albini-Rashiqin se edhe Rashiqi mund të bëhet naj kriminel. Por në kohën e qeverisjes sime, policia i ka hyrë në banesë. Ai ka ik dhe ma s’u kthy në Kosovë”, ka thënë ai.