Kryeminsitri i Kosovës, Albin Kurti ka mbledhur sot ministrat e tij dhe me fillim të fjalimit kryeministri nisi të flas për Fondin Sovran.
Kurti fajësoi opozitën e “thumboi” Gjykatën Kushtetuese pasi ligjet po i rrëzohen.
“Kanë kaluar 1 vit e gjysmë që e kemi miratuar në qeveri projkligjin që hap themelimin e Fondit. Në dhjetor 2023 në kuvend e kemi miratur ligjin për fondin Sovran kurse muajin tjetër bëhen një vit prej kur ligji është në sirtarët e Gjykatës Kushtetuese. Cdo ditë që po kalon është kohë e humbur dhe jashtëzakonisht e vlefshme meqenëse po pengohet shteti jonë në një kohë të ndryshimeve dhe mundësimeve të mëdha në ekonominë boteror teksa ne shënojmë rritjen më të madhe të shoqeruar me progresin më të lartë demokratike”, tha Kurti
“Urojmë që paralajmërimet opozitare që Gjykata Kushtetiese do ta hedh poshtë ligjin tonë për Fondin Sovran sipas info të tyre të brendshme të mos dalin të sakta, urojmë të ndërpritet ky avazi i bllokimit të reformave pozitive dhe progresiste siç ndodhi me Byron për Konfisikimin e Pasurisë, me ligjin për Këshillin Prokurorial, me ligjin për çmimin tavan për produktet bazë”, përfundoi ai.
