Deputeti i PDK-së Bekim Haxhiu, beson se Partia Demokratike e Kosovës do të dalë rreth 35-36 për qind në zgjedhjet e 9 shkurtit të vitit 2025.
Sa i përket partisë në pushtet – Lëvizjes Vetëvendosje, deputeti Haxhiu beson se do të dalë e treta.
Haxhiu tha se LDK-ja mund ta kalojë Vetëvendosjen në përqindje
“Do të jemi partia e parë. LVV nëse e merr rezultatin zgjedhor të vitit 2019 është sukses për ta. LVV do të del partia e tretë. LDK-ja mund ta kalojë Vetëvendosjen në përqindje”, deklaroi Haxhiu në emisionin “DPT te Fidani”.
Tutje, Haxhiu ka hedhur akuza ndaj Qeverisë së Kosovës për keqpërdorim të buxhetit të shëndetësisë.
“Kur ti e pagun 32 euro metrin katror për me e largu një tepison prej zyrës, jo krejt tepsionin po metrin katror, 32 euro e kanë pagu për demolimin e tepisonit.”
“85 euro e kanë pagu me e hjekë një derë, me e demolu një derë në klinikën e gjinekologjisë dhe të urologjisë. Ministria i ka udhëheqë procedurat. Unë për këtë po them, ky nuk është modernizim”, shtoi ai.
