Kryeministri i Kosovës, Albin Kurti, ka zhvilluar dje një takim me mërgatën në Paris të Francës.
Në një postim në Facebook, shefi i qeverisë thotë se pa diasporën, Kosova nuk do ta gëzonte lirinë dhe zhvillimin, dhe falë kontributit të tyre, vendi ynë sot ka mbështetje të palëkundur gjithandej botës.
“Diaspora jonë ka vënë shembullin e përkushtimit ndaj atdheut, jo vetëm në të kaluarën e të tashmen por edhe për të ardhmen. Pa kontributin e tyre, vendi ynë nuk do ta gëzonte lirinë dhe zhvillimin, dhe falë kontributin të tyre Kosova sot ka mbështetje të palëkundur gjithandej botës”, tha kryeministri.
Kryeministri ka ndarë edhe pamje nga pritja që i është bërë atje.