Ish-kryetari i Prishtinës, Shpend Ahmeti, ka thënë se pritet presion nga bashkësia ndërkombëtare për të mos lejuar një tjetër Qeveri Kurti.

Ai theksoi në “DPT te Fidani” se Vetëvendosja nuk do të pranojë të hyjë në koalicion nëse Albin Kurti nuk është më kryeministër.

“Unë mendoj se do të ketë dhe presion nga bashkësia ndërkombëtare për këtë punë, për mos e pasë dhe një Qeveri Kurti”, tha Ahmeti.

“Opozita është në garë që Vetëvendosja të mos e arrij numrin e votave për të krijuar një qeveri vetë. Nëse nuk i arrin, atëherë VV-ja do të kërkojë koalicion me ndonjë parti që ato do t’i thonë, këçyrim, po, por jo me qenë ti kryeministër. Ju e dini se ai ishte duke e prishur një Vetëvendosje për këtë, pra këtë nuk e pranon”, u shpreh Ahmeti.