Ministri i Jashtëm francez Jean-Noël Barrot mbajti një konferencë për shtyp gjatë një vizite në Liban. Ai u bëri thirrje të gjitha palëve të pranojnë propozimin e armëpushimit 21-ditor të paraqitur nga Emmanuel Macron dhe Presidenti amerikan Joe Biden. Propozimi është “ende në tryezë”, u tha ai gazetarëve.

“Ka shpresë, por koha është shumë e kufizuar. Unë i bëj thirrje Izraelit të ndalojë çdo inkursion tokësor dhe të ndalojë sulmin. Unë i bëj thirrje Hezbollahut të mos ndërmarrë ndonjë hap që do të çonte në destabilizimin e sigurisë në rajon, “shtoi ai, transmeton Telegram News.

Ai tha se Libani duhet të zgjedhë një president sa më shpejt të jetë e mundur. “Ne do të mbështesim ushtrinë libaneze … Në këto rrethana të dhimbshme, Franca do të mbetet në anën e Libanit dhe ushtrisë së saj”, u njoftua ai.

Kryeministri libanez Najib Mikati u takua me Barrot në Bejrut sot më herët. Sipas një deklarate nga zyra e tij, Mikati theksoi: “Çelësi i zgjidhjes është t’i jepet fund agresionit izraelit kundër Libanit dhe të ringjallë apelin e nisur nga Shtetet e Bashkuara dhe Franca në favor të armëpushimit”. /TelegramNews/