Është përuruar Shtëpia-Shtab e Ushtrisë Çlirimtare të Kosovës në Halabak të Podujevës.

Pjesëmarrës ishte dhe kryetari i Komunës së Podujevës, Shpejtim Bulliqi.

Përmes një postimi në Facebook, Bulliqi tha se një falënderim i takon familjes Maqastena që në momente të luftës ka hapur dyert.

“Një falënderim i veçantë i takon familjes Maqastena, e cila në momentet më të vështira të luftës hapi dyert e saj për t’u shndërruar në një pikë të rëndësishme të UÇK-së. Kjo familje vazhdon të tregojë përkushtimin dhe dashurinë për atdheun, duke dhënë shtëpinë e tyre për restaurim, në mënyrë që brezat e ardhshëm ta kujtojnë dhe ta nderojnë këtë periudhë historike të Kosovës”, ka shkruar ai.