Pesë persona kanë vdekur si pasojë e një aksidenti të rëndë që ndodhi të shtunën pasdite në Serbi.

Raportohet se një automjet i ushtrisë serbe e ka shtypur një veturë, me ç’rast ka ndodhur ky rast i rëndë.

Po ashtu edhe një person raportohet se ka pësuar lëndime të rënda.

Ngjarja ka ndodhur në rrugën Kralevë-Rashkë, në Bojaniq, shkruajnë mediat serbe.

Një 54-vjeçar, i cili e drejtonte automjetin ushtarak është arrestuar.

Atij i është caktuar masa e ndalimit deri në 48 orë, ndërsa është paralajmëruar se një kallëzim penal do të dërgohet në Prokurorinë e Lartë Publike në Kralevë.

Ministria e Mbrojtjes e Serbisë, e ka konfirmuar se automjeti i ushtrisë serbe ishte përfshirë në aksident.