Policia e Kosovës ka dhënë detaje për aksionin kundër fajdes dhe bixhozit që u zhvillua dje në Prishtinë.
Sipas njoftimit, ky aksion përfundoi me katër të arrestuar, derisa thuhet se u sekuestruan sasi e konsiderueshme e provave materiale si: një sasi e konsiderueshme parash, vetura, telefona, pajisje elektronike, dokumente të ndryshme dhe 13 copë fishekë.
Të dyshuarit akuzohen se se në bashkëveprim kanë kryer veprat penale të lart-cekura si dhe kanë ushtuar presion ndaj viktimës me qëllim të marrjes së interesit, duke i shkaktuar dëme materiale viktimës.
Katër të dyshuarit pas intervistimit me vendim të prokurorit, janë dërguar në mbajtje.
“Prishtinë 2023/2024. Më 19.09.2024 janë arrestuar katër të dyshuar meshkuj kosovarë, nën dyshimin se në bashkëveprim kanë kryer veprat penale të lart-cekura si dhe kanë ushtuar presion ndaj viktimës me qëllim të marrjes së interesit, duke i shkaktuar dëme materiale viktimës. Si prova materiale janë sekuestruar një sasi e konsiderueshme e parave, vetura, telefona, pajisje elektronike, dokumente të ndryshme dhe 13 copë fishekë. Katër të dyshuarit pas intervistimit me vendim të prokurorit, janë dërguar në mbajtje”, thuhet tutje.