Forcat Mbrojtëse të Izraelit (IDF) njoftuan sot për vdekjen e 6 izraelitëve të cilët ishin rrëmbyer për në Gaza nga terroristët e Hamasit pas sulmit terrorist të 7 tetorit, 2023.

“Trupat e Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi dhe Master Rreshter Ori Danino u gjetën dhe u tërhoqen dje. Ata të gjithë u rrëmbyen më 7 tetor dhe u vranë nga organizata terroriste Hamas ndërsa ishin të mbajtur nën robëri në Gaza. IDF dhe ISA dërgojnë ngushëllimet e tyre të përzemërta për familjet. Forcat izraelite të sigurisë po operojnë me të gjitha mjetet për të sjellë sa më shpejt në shtëpi të gjitha pengjet”, përcjellë Ambasada e Izraelit në Kosovë.

Nga ana tjetër, në njoftimin e Ministrisë së Punëve të Jashtme të Shtetit të Izraelit thuhet: “IDF konfirmon se ka tërhequr nga Gaza trupat e 6 pengjeve që u rrëmbyen nga Hamasi më 7 tetor./kp