Kryetari i Lidhjes Demokratike të Kosovës, Lumir Abdixhiku ka reaguar pas një videoje të ministrit të Punëve të Brendshme, Xhelal Sveçla, i cili u kërkonte minatorëve llogari.

Abdixhiku në Facebook  tha se pushteti aktual e ka keqkuptuar shtetin. Derisa sipas të prit të LDK-së,  mbrojtësit e Nagip Krasniqit dhe Martin Berishajt, po u kërkojnë llogari minatorëve.

“Kanë keqkuptuar rolet, kanë keqkuptuar përgjegjësitë, kanë keqkuptuar mbi të gjitha idenë se s’mund të sillen si kapadai! Emëruesit dhe mbrojtësit e Nagipit e Martinit, u kërkojnë llogari hajnish, besoni ose jo minatorëve të ngratë të lënë pa paga për tre muaj rresht! E ka katër vite që menaxhojnë vet me Trepçë. Këtë arrogancë pushteti e sjellje mbajeni në mend. Zgjedhjet janë afër. 9 shkurti po vjen. Kuptojeni se këta nuk njohin ndjenjën e shërbimit ndaj tjetrit sepse i shërbejnë veç vetes. Siç nuk kuptojnë se aty – me 51% – janë për udhëheqje e zgjidhje problemesh; më së paku për ofendim, poshtërim e nënshtrim të hallgjorëve!”, ka shkruar ai./TelegramNews