Mijëra gra marshuan nëpër disa qytete të Indisë gjatë natës dhe kryeministri Narendra Modi bëri thirrje për dënim të rreptë për krimet kundër grave, pasi zemërimi dhe protestat kundër përdhunimit të tmerrshëm dhe vrasjes së një mjekeje u përshkallëzuan.

Me qirinj dhe postera në duar, gratë mbajtën marshime nëpër qytete, duke përfshirë qytetin lindor të Indisë, Kolkata, ku përdhunimi dhe vrasja e një mjekeje praktikante javën e kaluar ka shkaktuar protesta nga mjekët e tjerë, duke kërkuar kushte më të mira dhe më të sigurta pune.

Shumë spitale qeveritare në qytete anembanë Indisë pezulluan të gjitha shërbimet përveç departamenteve të urgjencës në fillim të kësaj jave, pasi mjekët e rinj u ulën jashtë në protestë, duke kërkuar drejtësi për viktimën.

Mjekja 31-vjeçare u gjet e vdekur të premten. Policia tha se ajo ishte përdhunuar dhe vrarë dhe një vullnetar policie u arrestua më pas në lidhje me krimin. /Reuters.