Është arrestuar një person me iniciale L.F në Shtime pasi i njëjti ka gjuajtur me armë në një aheng familjar.
Policia ka njoftuar se i dyshuari posedonte armë pa leje.
“Arrestohet një person për përdorim të armës apo mjetit të rrezikshëm dhe mbajtje në pronësi, kontroll apo posedim i paautorizuar i armëve në Shtime
Policia e stacionit në Shtime me datën 06.08.2024 rreth orës 22:20 ka pranuar një informacion se në rrugën ” Afrim Selmanaj” në Shtime, në një aheng familjar kishte të shtëna me armë të zjarrit”, thuhet në njoftim.
Me vendim të prokurorit kujdestar 21 vjeçari është dërguar në mbajtje për 48 orë dhe është sekuestruar arma.
“Si prova materiale është sekuestruar arma ( pistoletë). Rasti është cilësuar “Përdorim i armës apo mjetit të rrezikshëm” dhe ” Mbajtje në pronësi, kontroll apo posedim i paautorizuar i armëve””, thuhet tutje në njoftim. /TelegramNews.com.
