Zëdhënësja e Prokurorisë Themelore në Prishtinë, Laureta Ulaj ka njoftuar se është kërkuar caktimi i masës së paraburgimit për pesë të dyshuarit për “mashtrim” me Bitcoina.

Sipas njoftimit të Prokurorisë Themelore, në këtë çështje penale janë në kërkim edhe dy persona të tjerë të dyshuar, të cilët nuk janë gjetur në objektet përkatëse.

“B.Sh., B.H., V.C., B.B. dhe L.B., dyshohen se nga muaji janar-prill 2024, në bashkëkryerje, me qëllim të përfitimit të kundërligjshëm të dobisë pasurore për vete i kanë vënë në lajthim palët e dëmtuara, kinse do t’iu shesin bitcoina, duke i nxitur kështu të veprojnë në dëm të pasurisë së tyre dhe me këto veprime kanë arritur të përfitojnë shuma të konsiderueshme të parave. Në këtë çështje penale janë në kërkim edhe dy persona të tjerë të dyshuar, të cilët nuk janë gjetur në objektet përkatëse”, thuhet në njoftim

Përfundon aksioni për mashtrime, pesë të arrestuar, dy në kërkim