Kosova dhe Shqipëria janë potencialisht shtetet me pasuritë më të mëdha në rajon, por kjo gjeografi e dy kokave politike, duhet unifikuar për ta  dërguar përpara vlerën e resurseve dhe të pasurisë.

Shqipëria me atraksion turistik sot lavdërohet edhe nga Spanja që ka detin më të vlerësuar turistik botëror në një sistem të organizuar propagandistik.

Kosova me pasuri nëntokësore ,xehe, ari dhe qymyr industrial, është unikate në mundësitë zhvillimore të së ardhmes.
Lidhur me perspektivat ekonomike të së ardhmes ish drejtuesi i Odës Ekonomike të Kosovës (OEK), Safet Gërxhaliu thotë për Telegram nëse:
“Liberalizimi i vizave për qytetarët e Kosovës, ishte i vonuar dhe i padrejtë.
Nga fillimi i vitit 2024 filloi lëvizja e lirë dhe ky proces ka hapur dyer dhe horizonte të reja për kosovarët që vizitojnë vende të ndryshme evropiane”,thotë Gërxhaliu dhe shton:

“Shumë qytetarë kanë preferuar Greqinë,Kroacinë,Spanjën dhe vende të tjera tërheqëse.
Një pjesë e tyre kanë zgjedhur të bashkohen me të afërmit që jetojnë jashtë vendit për t’I kaluar pushimet në mjedis familjar.
Gjithashtu liberalizimi i vizave ka ofruar mundësi për shumë kosovarë që të kërkojnë punë sezonale në vendet evropiane,duke shfrytëzuar periudhën prej tre muajsh për punë”, thotë ai.

Agjencionet turistike me fushatë të fuqishme, Shqipëria qalon nga rajoni

Sipas Safet Gërxhaliut, Greqia, Spanja dhe Kroacia, kanë zhvilluar fushatë të fuqishme marketingu për të tërhequr turistë nga Kosova.

“Ofertat e tyre të volitshme dhe shërbimet cilësore kanë bërë që shumë kosovarë të preferojnë këto destinacione pë pushime verore. Fushatat e tyre kanë ekspozuar manipulimet me cmime që janë bërë nga disa agjencione dhe hotele në Shqipëri,duke ofruar një alternativë më tërheqëse dhe me cmime më reale për turistët”, thotë Safet Gërxhaliu.

Por, si trajtohen turistët kosovarë në shqipëri dhe cilat janë ankesat?

Shumë turistë kosovarë janë ankuar për cmime të larta dhe për shërbime jo të mira.
Për ta përmirësuar situatën dhe për të tërhequr turistët kosovarë është e nevojshme që Shqipëria të ofrojë cmime më reale.
Kështu vlerësojnë eskpertët e tregut turistik .

“Kjo do të ndikonte në kthimin e besimit dhe në përmirësimin e marrdhënjeve turistike mes dy vendeve.Shqipëria ka qenë dhe do të jetë destinacion për kosovarët,por kalimi i shpejt nga turizëm masiv në atë elit mund të ketë edhe elemente negative”, vlerëson Gërxhaliu.

Marrdhenjet politike mes lidershipit Shqiptar dhe kosovar,nuk duhet të ndikojnë në degradimin e turizmit mes dy popujve.
Tendecat për ta politizuar turizmin është denim i madh për dy shtetet.

Elementet që duhen vizituar në Shqipëri janë bukuritë natyrore të Shqipërisë.

Shqipëria duhet të kuptojë rëndësinë e cdo turisti I cili aty derdh mjetet për pushime. Bizneset mes Kosovës dhe Shqipërisë, kanë avancuar duke lënë pas vetes tregtinë me Serbinë që merrte gati një të dytën e buxhetit. /S.K/ TelegramNews.com/