FBI tha se kishte fituar qasje në telefonin e Thomas Matthew Crooks, i dyshuari për sulm ndaj ish-Presidentin amerikan Donald Trump, ndërsa vazhdoi të hetojë motivin për krimin.
FBI theksoi se hetimi i tij për të shtënat e së shtunës, i cili po trajtohet si një atentat dhe terrorizëm i mundshëm i brendshëm, është ende në një fazë të hershme.
“Ekspertët teknikë të FBI kanë fituar me sukses qasje në telefonin e Thomas Matthew Crooks dhe vazhdojnë të analizojnë pajisjet e tij elektronike,” tha FBI në një deklaratë.
FBI zhvilloi afro njëqind intervista me dëshmitarët okularë
Zyra shtoi se kishte kryer afro njëqind intervista me dëshmitarë. Duke folur para gazetarëve dje, zyrtarët e FBI thanë se ata ende nuk kishin qenë në gjendje t’i atribuonin ideologjinë ose të gjenin prova të motivit për të shtënat.
Pushka e stilit AR 556 e përdorur nga sulmuesi u ble me ligj nga babai i tij dhe zyrtarët thanë se nuk kishte asnjë indikacion se i dyshuari vuante nga ndonjë problem mendor.
