Ushtruesi i detyrës së drejtorit të Agjencisë së Statistikave të Kosovës, Avni Kastrati. Gjatë prezantimit të të dhënave preliminisra të regjistrimit të popullsisë në Kosovë ka thënë se mosha mesatare për vitin 2024 është 34.82 (rritje për 4.85 vjet).

“Vendet e regjionit kanë një moshë mesatare 40 vjet. Për Kosovën kjo është një e mirë dhe është një momentum demografik dhe kjo i bie se do ta kemi moshën më të re në Evropë”, ka thënë Avni Kastrati

Derisa sa i përket piramidës së popullsisë, tashmë dominon mosha 20 deri 24 vjeç, teksa në vitin 2011 dominonte grupmosha 10 – 19vjeç.

Kastrati ka thënë se mbi 99,8% të objekteve të kodifikuara, duke përfshirë edhe të rejat, janë mbuluar në proces. Për periudhën 2011 – 2023, popullsia është shtuar 203, 294 banorë duke shkuar në shtim pozitiv. Ndërkaq të dhënat tregojnë se ka rënie të përgjithshme të popullsisë.