Kryeministri britanik, Keir Starmer, ka njoftuar se do të anulojë politikën e paraardhësit të tij për të dërguar azilkërkuesit në Ruandë, duke thënë se skema ishte e pavlefshme që nga fillimi.

Ai u shpreh gjatë konferencës së shtypit të parë që mbajti pas largimit të Konservatorëve nga pushteti pas 14 vjetësh.

Në kabinetin e tij të ri, i cili ka një numër rekord ministresh, Starmer theksoi nevojën për të adresuar sfidat e brendshme dhe për të rikthyer besimin te qeveria, duke përfshirë rregullimin e ekonomisë dhe sistemit shëndetësor.

Ai gjithashtu paraqiti një axhendë të ngarkuar për vizita në të katër vendet e Mbretërisë së Bashkuar, si dhe për takime ndërkombëtare me NATO-n dhe Komunitetin Politik Evropian, duke përfshirë edhe hapjen shtetërore të Parlamentit dhe fjalimin e mbretit më 18 korrik.