Policia e Kosovës ka njoftuar se një grua në Qendrën Klinike dhe Universitare të Kosovës ka kërkuar trajtim mjekësorë pasi dyshohet se gjatë kohës sa ka qenë shtatzënë ka abortuar në mënyrë të paligjshme.

Sipas njoftimit, lidhur me rastin janë arrestuar dy persona të dyshuar, shkruan Telegrami.co.

“VRASJA E FOSHNJES GJATË LINDJES- Podujevë 30.06.2024-02:00. Raportohet se në QKUK ka kërkuar tretman mjekësor e dyshuara femër kosovare e cila dyshohet se ka qenë shtatëzënë dhe ka abortuar në mënyrë të paligjshme. Lidhur me rastin janë arrestuar dy të dyshuara dhe me vendim të prokurorit dërgohen në mbajtje”, thuhet në njoftim.