Departamenti Amerikan i Shtetit (DASH), publikoj raportin vjetor për tregtinë me qenie njerëzore dhe në pjesën për Kosovën vlerësoi se  Qeveria e Kosovës, nuk i ka përmbushur standardet në disa fusha kyqe. Në raport thuhet se Qeveria e Kosovës, ka treguar përkushtim të shtuar për efikasitet të shtuar në krahasim me periodën e mëparshme, duke rritur edhe përpjekjet  preventive, përfshirë rritjen e mjeteve  të fushatës për vetëdijesim dhe distribuim të udhëzimeve për kujdes  ndaj tregtisë me fëmijët.

“Qeveria ka gjetur  më pak të dyshuar dhe ka identifikuar më pak viktima. Edhe pse gjyqtarët kanë shqiptuar  dënime të rënda, ato kanë qenë nën dënimet e parashikuara minimale ligjore në luftën kundër tregtisë me njerëz”, thuhet në raport.

Raporti me shqetësim konstaton  faktin e shkeljes së ligjit penal të Kosovës, pasi mesatarja e  kësaj dhune ndodh nga ana e prindërve të tyre, duke  klasifikuar  rastet  si  brengosëse dhe  si shkelje prindërore dhe jo si  tregti  me njerëz çka e vështirëson identifikimin e kësaj vepre.

Në raportin e DASH-it, kërkohet  hetim dhe ndjekje penale të kryerësve të  veprave penale  me njerëz dhe dënime adekuate për abuzuesit, përfshirë edhe zyrtarët të cilët  bashkëpunojnë me abuzuesit.

Gjithashtu , sistematikisht duhet  identifikuar  viktimat  me qeniet njerëzore, duke vërtetuar indikatorët e tregtisë në mesin e  popullimit si  aspiratave të seksit komercial  të fëmijëve, bashkësisë rome , ashkalinjve dhe të egjiptianëve,  thuhet në udhëzimet për  Qeverinë e Kosovës.

Hulumtimi propozon  që të sigurohet kurs avancimi për gjyqtarët, prokurorët dhe për organet e zbatimit të ligjit dhe ndjekje penale  të rasteve të tregtisë me njerëz.

Gjithashtu në raport thuhet se  duhet  forcuar masat mbrojtëse për privatësinë e viktimave në mënyrë që informatat për viktimat të mos bëhen publike.

Në raport gjithashtu  propozohet që të rritet mbështetja e qeverisë për shërbimet e gjithmbarshme  të aftësimit shkencor  dhe për reintegrimin e  viktimave në shoqëri./Telegrami.co./