Miroslav Lajçak, i dërguari i posaçëm i Bashkimit Europian për dialogun Kosovë-Serbi, tha se puna e tij në këtë detyrë vazhdon dhe se nuk është ende afër fundit të mandatit të tij.

Ai deklaroi për platformën “sbunker” se është i përkushtuar për hapat e ardhshëm në procesin e dialogut.

Lajçak theksoi se ende nuk është zgjedhur pasardhësi i tij, por se ai do të vazhdojë të punojë me intensitet deri sa të caktohet një person për t’i marrë detyrën.

Ai gjithashtu u angazhua që të vazhdojë të përgatitë hapat e ardhshëm në bashkëpunim me ekipin e tij.

Lajçak po ashtu përmendi se vizitat e tij të fundit në Kosovë dhe Serbi kanë qëllimin e ripërqendrimit në normalizimin e marrëdhënieve dhe konkretizimin e hetimeve për hapat në të ardhmen.