Marrëveshja e Bashkëpunimit në mes Gjykatës Themelore në Prishtinë dhe Kolegjit UBT është nënshkruar nga Kryetarja e Gjykatës Themelore në Prishtinë znj. Albina Shabani – Rama dhe Rektori i Kolegjit të UBT-së, Edmond Hajrizi.
Sipas njoftimit, qëllimi i këtij Memorandumi është krijimi i bashkëpunimit në mes Gjykatës Themelore të Prishtinës dhe Fakultetit Juridik të Kolegjit UBT për mundësinë e mbajtjes së praktikës dhe vizitave studimore për studentët e Fakultetit Juridik në Gjykatën Themelore të Prishtinës dhe degët e saj.
Po ashtu edhe shkëmbimi i përvojës dhe informacionit në mes të dy institucioneve për qëllim të përmirësimit të shërbimeve në fushën e drejtësisë dhe arsimimit juridik.
“Kryetarja Shabani – Rama dhe Rektori Hajrizi shprehën gatishmërinë e vazhdimit të bashkëpunimit të mëtejmë ndërinstitucional, me qëllim të arritjes së objektivave të përbashkëta dhe mbeten të përkushtuar të mbështesin avansimin e vazhdueshëm të gjeneratave të reja të juristëve”, thuhet tutje.