Kryetari i Kuvendit të Kosovës, Glauk Konjufca, ka shprehur mirënjohjen ndaj forcave të NATO-s për intervenimin në Kosovë për çlirimin e vendit.

Konjufca në seanca solemne, e cila u mbajt në nderim të mirëpritjes së Tony Blair, tha se foltorja dhe parlamenti do të jenë gjithmonë të Tony Blairit.

“Ne si popull e si shoqëri do të jemi përjetësisht falënderues. Ju faleminderit zotëri Blair. Jeni gjithmonë i mirëseardhur në Kosovë dhe s’kam dyshim se ndiheni si në shtëpinë tuaj. Prandaj kjo foltore dhe ky Parlament është i juaji. Falë kontributit të tij, të presidentit Bill Clinton e të pëfaqësuesve të NATO-s, gjeneralit Clark e shumë përfaqësuesve të tjerë të shteteve demokratike. Falë vendosmerisë së tyre dhe luftës së Ushtrisë Çlirimtare të Kosovës, ndalën gjenocidin e Serbisë”, tha Konjufca