Ndërmarrja komunale e Prishtinës NPL “Gjelbër” Sh.a në një publikim të datës 30 maj të këtij viti kishte shpallur një tender për furnizimin me medikamente dhe pajisje për qendrën e trajtimit të qenëve endacak.
Aty është paraparë të hapej tenderi më 20 qershor të këtij viti.
Një nga kriteret që parashihej ishte që të ketë një licencë valide e lëshuar nga Agjencia e Ushqimit dhe Veterinarisë për Produkte dhe Pajisje Mjekësorë Veterinare.
Ligjërisht secili furnitorë duhet ta ketë licencën e produkteve që kanë të bëjnë me veprimtari veterinare që këtë rast është ”AUVK” si institucion kompetent për këtë.
Mirëpo ky tender ishte kthyer prapa, dhe thuhej se nuk ka nevojë te dorëzohen këto certifikata për autorizim nga prodhuesi për produkte medicinale veterinare.
Kështu më 21 maj sërish ishte shpallur ftesa për tender për furnizim me medikamente dhe pajisje për qendrën e trajtimit te qenëve endacak në strehimoren e kryeqytetit në Hajvali. Por këta kanë hequr si kriter që kompania që fiton tenderin duhet të ketë licencë dhe leje nga AUVK.
Kjo lë për të dyshuar në hapjen e tenderit për ndonjë barnatore humane, pa respektuar ligjin dhe institucionet kompetente pasi sipas një burimi të gazetës kjo ndërmarrje publike komunale duhet ta ketë si kriter licencën e AUVK meqë është i vetmi institucion në vend kompetent i ngarkuar.
Në lidhje me këtë çështje Telegrami.co tentoti të marrë një prononcim nga Ndërmarrja komunale e Prishtinës por të njëjtit nuk kthyen përgjigje.
Template per Dosja e Tenderit-Furnizim me Medikame_240606_112634
DOC-20240605-WA0000_240605_201322_240606_112556
