Zjarri në tregun e Shkodrës, në lagjen “Ndoc Mazi”, ka shkaktuar dëme serioze, duke djegur 25 njësi tregtare dhe dy banesa.

Një banesë tre katëshe është djegur totalisht, ndërsa shumë zjarrfikës po përpiqen të shpëtojë një banesë tjetër nga flakët.

Gazetari Klodian Zhivani raporton se një shkollë në afërsi është në rrezik. Tregu kishte rroba të përdorura, duke ndihmuar në përhapjen e flakëve.

Shkaqet e zjarrit ende nuk janë të njohura, ndërsa forcat e zjarrfikësve janë në vendin e ngjarjes. Nuk ka të lënduar, pasi tregu ishte i mbyllur në momentin e shpërthimit të zjarrit. /Telegrami/