Presidenti i Serbisë, Aleksandar Vuçiq ka deklaruar se do të vinte në Kosovë nëse do t’ia mundësonin forcat ndërkombëtare dhe ato shqiptare.

“Jo vetëm në Mitrovicë, do të shkoja në Shtërpcë, do të shkoja edhe në Kamenicë, do të shkoja në çdo vendbanim të serbëve por nuk është çështje e zgjedhjes sime, por e vendimeve të tyre”, tha ai.

Këto komente,  Vuçiq i bëri në Podrinje, gjatë vizitës së punimeve në rikonstruksionin e një rruge që lidh Bojiqin me Tekerishin.

Derisa e mohoi se në veri nuk po funksionon asnjë institucion i Serbisë, duke theksuar se atje dhe në komuna tjera po funksionojnë institucionet e arsimit dhe shëndetësisë.