Një punonjës i Spitalit të Përgjithshëm në Gjakovë “Isa Grezda”, ka raportuar një vjedhje në tri objekte në pronësi të kësaj qendre shëndetësore.

Tri objektet ku raportohet të ketë ndodhur vjedhja, përdoren për asgjësimin e materialeve spitalore, si dhe depo teknike.

Kjo u konfirmua për Telegram News nga zëdhënësi i policisë për rajonin e Gjakovës Sheremet Elezeaj, i cili tha se rasti i cilësuar si “vjedhje e rëndë” po hetohet.

“Një punonjës i Spitalit “Isa Grezda” rreth orës 09 e 30 ka raportuar një vjedhje në tri objekte në pronësi të spitalit, të cilat përdoren për asgjësimin e materialeve spitalore, si dhe si depo teknike. Veprimet hetimore janë duke u ndërmarrë në drejtim të veprës penale “vjedhje e Rëndë””, tha Elezaj.