Një motoçiklist ka ndërruar jetë si pasojë e një aksidenti që ka ndodhur në Vlorë.

Drejtuesi i automjetit, shtetasi N.P., është shoqëruar në komisariat.

“Në vendin e quajtur “Kryqëzimi i Triportit”, automjeti me drejtues shtetasin shqiptar N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital. Drejtuesi i automjetit, shtetasi N. P., është shoqëruar në komisariat, për veprimet procedurale. Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit”, njofton policia. /A2Cnn