Një person ka humbur jetën si pasojë e një aksidenti mes një kamioni dhe dy veturave mesditën e sotme në rrugën Lipjan- Shtime.
Kështu ka bërë të ditur për Telegram News, zëdhënësi i policisë për rajonin e Prishtinës, Agron Borovci, i cili tha se personi tjetër është dërguar në QKUK për trajtimin e nevojshëm.
Gjithashtu, Borovci ka deklaruar se për shkak të aksidentit janë krijuar vështirësi qarkullimi në segmentin rrugor Lipjan-Shtime-Topliqan-Bujan.
“Për shkak të aksidentit janë krijuar vështirësi qarkullimi në segmentin rrugor Lipjan-Shtime-Topliqan – Bujan. Njësia rajonale e trafikut ka dalë në vendin e ngjarjes, ka ndërmarrë veprimet e nevojshme për lehtësimin e qarkullimit dhe ri drejtimin e trafikut, si dhe ka nisur një hetim lidhur me rrethanat e këtij aksidenti”, ka deklaruar Borovci.
