Me fillimin e vitit shkollor, paralajmërimet për greva në fushën e arsimit në Kosovë janë përshkallëzuar.

Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari, në një prononcim për lajmi.net, tha se sindikata është angazhuar për të gjetur zgjidhje përmes dialogut me partitë politike dhe Këshillin e prindërve, por ka hasur në mungesë të bashkëpunimit nga qeveria.

Jashari kritikoi mungesën e dialogut nga ana e Ministrisë së Arsimit dhe paralajmëroi se nëse kërkesat e sindikatës nuk përmbushen, grevat mund të rikthehen gjatë këtij muaji.

Greva e fundit në arsim, e cila zgjati disa javë, ndodhi në vitin 2022.