Rusia paralajmëron Izraelin të mos mendojë as të sulmojë objektet bërthamore të Iranit, tha Zëvendës Shefi i Diplomacisë Ruse Sergei Ryabkov.
Pas sulmit të raketave iraniane ndaj Izraelit më 1 tetor, ka spekulime se Izraeli mund të qëllojë në objektet bërthamore iraniane.
“Ky është një paralajmërim”
“Ne kemi paralajmëruar dhe vazhduar në mënyrë të përsëritur të paralajmërojmë, kundër çdo sulmi të objekteve bërthamore (iraniane) dhe infrastrukturës bërthamore”, u shpreh Raybkov.
“Do të ishte një zhvillim katastrofik (ngjarje) dhe një mohim i plotë i të gjitha parimeve ekzistuese në fushën e sigurimit të sigurisë bërthamore,” shton ai. Nuk është e qartë nëse Moska ia përcolli mesazhin Izraelit, shkruan Reuters.
Izraeli dhe Perëndimi kanë frikë se Irani po zhvillon një bombë bërthamore
Izraeli dhe vendet perëndimore kanë frikë prej kohësh nga mundësia që Irani të zhvillojë një bombë bërthamore nën maskën e një programi bërthamor civil, të cilin e mohon Teherani.
Zyra e Kryeministrit izraelit Benjamin Netanyahu njoftoi të martën se Izraeli do të dëgjonte Shtetet e Bashkuara, të cilat gjithashtu paralajmëruan se nuk dëshironte që Izraeli të sulmonte objektet bërthamore në Iran, por edhe të vepronte në përputhje me interesin e vet kombëtar.
Washington Post gjithashtu njoftoi se Netanyahu i kishte thënë administratës së Presidentit amerikan Joe Biden se Izraeli do të qëllonte në objektivat ushtarakë iranianë, jo në objektet bërthamore apo të naftës. Media shtetërore ruse gjithashtu raportoi se Raybkov tha se Moska ishte në kontakt të vazhdueshëm me Iranin, pavarësisht nga niveli i tensioneve në rajon. /TelegramNews/
