Qeveria e Kosovës ka rihapur thirrjen për subvencione për gra dhe vajza që përbëjnë familje të ngushtë të personave të zhdukur me dhunë gjatë luftës në Kosovë.
Kështu është bërë e ditur anë të një postimi në Facebok nga Qeveria e Kosovës.
Derisa theksohet se Qeveria Kosovës po e shton mbështetjen për familjaret e personave të zhdukur me dhunë gjatë luftës.
“Me qëllim të rritjes së mirëqenies familjare dhe pavarësimit ekonomik të grave dhe vajzave, Zyra e Kryeministrit të Republikës së Kosovës, nëpërmjet Agjencisë për Barazi Gjinore, në mbështetje me Komisionin Qeveritar për Persona të Zhdukur, ka rihapur thirrjen për subvencione për gra dhe vajza që përbëjnë familje të ngushtë të personave të zhdukur me dhunë gjatë luftës në Kosovë, të evidentuar në listën e pensioneve për persona të zhdukur”, thuhet tutje.
Bëhet e ditur se afati për aplikim është deri më 29 gusht 2024.
