Meteorologu Mendim Rugova paralajmëron “rënie drastike të temperaturave” këtë javë, por edhe mundësi për reshje bore.

Ai tha në #Gjesi se “nuk përjashtohet mundësia që temperaturat maksimale t’i afrohen 10 gradëve Celsius”.

“Madje nëpër disa pjesë, në viset malore ka gjasa të bie edhe borë”, tha ai, duke paralajmëruar përkeqësim të motit sidomos në pjesën e dytë të javës.

Mendim Rugova tha se parashihet që sasia e të reshurave nesër të jetë “shumë e lartë” dhe se mund të ketë “përmbytje të vogla lokale”.

“Tash po shihet që kësaj jave korridori prej Atlantikut verior po hapet dhe gradualisht me këtë hapje fillojnë edhe depërtimet e masave të ftohta polare ajrore detare”, tha ai.