Ka nisur edicioni i ri i Mural Fest Tirana, me pjesëmarrjen e artistëve nga 11 shtete të ndryshme të botës.

Një prej veprave të realizuara për këtë edicion është dhe përjetësimi i portretit të shkrimtarit Ismail Kadare. Kryetari i Bashkisë së Tiranës, Erion Veliaj ka publikuar foton e murales së realizuar në një pallat, pranë ish-stacionit të Trenit.

“E gjeni dot se ku po realizohet kjo murale e mrekullueshme e Ismail Kadaresë në Tiranë?”, ka shkruar kryebashkiaku.

Vepra është realizuar nga piktori Maximiliano Bagnasco.

Këtë vit tematika është ‘inteligjenca artificiale’, ndërsa pjesë e projektit janë 14 murale, teksa 80% e artistëve janë vajza.