Policia e Kosovës sot ka kryer bastisje në një lokacion të caktuar në Mitrovicën e Veriut, pas marrjes së informatave për praninë e substancave narkotike.
Për Telegram News ka konfirmuar drejtori i Policisë për Rajonin e Veriut, Veton Elshani.
Sipas policisë, gjatë bastisjes në këtë shtëpi, policia ka sekuestruar një sasi të konsiderueshme armësh dhe pajisjesh ushtarake, përfshirë: 1 armë zjarri AK-47; 2 granata dore M-75; 2 radiolidhje; 2 antiplumba; Kapelë dhe dorëza; Çantë ushtarake; Karikatorë të zbrazët dhe të mbushur me fishekë të pistoletës; Harta; Rrip brezi; Sprej dhe thikë; Shall kamuflazhi.
“Dy persona të dyshuar, me inicialet A.J., i lindur në vitin 1992, dhe V.J., i lindur në vitin 1978, nuk u gjetën në shtëpi gjatë bastisjes dhe janë shpallur në kërkim nga policia. Operacioni është pjesë e përpjekjeve të vazhdueshme për të luftuar krimin e organizuar dhe armët ilegale në veri të vendit”, bën të ditur Elshani.
