Drejtoria Rajonale e Policisë në Prizren, ka pranuar informacion se një automjet civil me targa të huaja ka të vendosura  pajisje rotative të cilat pajisje janë të ndaluara me ligjin mbi rregullat në trafikun rrugor.

Më tej, thuhet se Policia ka arritur ta lokalizojë dhe ndaloj automjetin duke konfiskuar pajisjet rotative të vendosura në mjet  dhe ndaj ngasësit është shqiptuar gjobë prej 500 eurove, 3 pikë negative dhe masa e ndalim drejtimit të mjetit për tre muaj.

“Njësiti rajonal i trafikut rrugor Prizren ka arritur që të lokalizoj dhe ndaloj automjetin e lartcekur duke konfiskuar pajisjet rotative të vendosura në mjet dhe ndaj ngasësit të automjetit është shqiptuar gjoba në vlerë prej 500 euro, 3 pikë negative dhe masa e ndalim drejtimit të mjeteve me veprim motorin për 3 muaj në territorin e Republikës së Kosovës”, thuhet në njoftim./Telegrafi.co./