Në periudhën 29 korrik – 2 gusht 2024, Prokuroria Themelore e Mitrovicës ka ngritur 48 aktakuza ndaj 72 personave për vepra të ndryshme penale.

Veprat për të cilat janë ngritur aktakuzat përfshijnë grabitjen, mashtrimin, sulmin, kanosjen, krimet që lidhen me narkotikët, dhunën në familje, kalimin e paautorizuar të kufijve, rrezikimin e trafikut publik, dëmtimin e pasurisë, vjedhjen, kontrabandën, falsifikimin e dokumenteve, ryshfetin, shpërdorimin e pasurisë, mospërfilljen e gjykatës, lëndimin trupor, mbajtjen e armëve pa leje, dhe prezantimin e rremë si person zyrtar.

“Aktakuzat e ngritura nga prokurorët e Prokurorisë Themelore në Mitrovicë janë për veprat penale si në vijim: “Grabitja“, “Mashtrimi“, “Sulmi“, “Kanosja“, “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge“, “Dhuna në familje“, “Kalimi i paautorizuar i vendkalimeve kufitare ose i vijës kufitare“, “Rrezikimi i trafikut publik“, “Asgjësimi apo dëmtimi i pasurisë”, “Vjedhja e shërbimeve“, “Vjedhja”, “Kontrabandimi i mallrave“, “Falsifikimi i dokumenteve“, “Cenimi i të drejtave nga sigurimi social”, “Marrja e ryshfetit”, “Shpërdorimi i pasurisë së huaj”, “Mospërfillja e gjykatës”, “Lëndimi i lehtë trupor“, “Mbajtja në pronësi, kontroll ose posedim të paautorizuar të armëve“, “Prezantimi i rremë si person zyrtar”, si dhe “Vjedhja e pyllit””, thuhet në njoftimin e Prokurorisë.