Dogana e Kosovës ka njoftuar se ka parandaluar një rast të kontrabandës me mjaltë në magjistralen Gjilan-Prishtinë.

Sipas njoftimit ne një veturë me targa serbe e drejtuar nga shtetasi i Serbisë, janë gjetur dhe konfiskuar 264 kilogramë mjaltë.

“Në magjistralen Gjilan-Prishtinë është ndaluar automjeti Audi me targa serbe e drejtuar nga një shtetas i Serbisë. Gjatë kontrollit të automjeti është vërejtur se kishte të ngarkuar rreth 264 kg. mjaltë pa asnjë dokument përcjellës dhe dyshohet se janë sjell në mënyrë të kontrabanduar nga Serbia në Kosovë”, thuhet në njoftimin.

Derisa vlera e mallit sipas tregut  thuhet se është mbi 2500 euro, teksa shmangja nga taksat është mbi 1000 euro.