Gjykata Themelore në Prishtinë ka vendosur masën e paraburgimit prej një muaji ndaj gruas e cila dyshohet për vrasjen e kunatit të saj të martën në mbrëmje në lagjen “Kodra e Trimave” në Prishtinë.
Një gjë e tillë u konfirmua nga zëdhënësja e Gjykatës Themelore në Prishtinë, Mirlinda Gashi, ku sipas saj për shkak të veprës penale “Vrasje e rëndë”.
“Ju njoftojmë se Gjykata Themelore në Prishtinë – Departamenti për Krime të Rënda ka aprovuar kërkesën e Prokurorisë Themelore në Prishtinë-Departamenti për Krime të Rënda dhe ndaj të pandehurës N.M është caktuar masa e paraburgimit në kohëzgjatje prej një (1) muaji, e cila masë do të zgjasë nga data 20.08.2024 deri me datë 19.09.2024, për shkak të veprës penale Vrasje e rëndë nga neni 173 par.1 pika 1.3 të KPRK-së dhe veprës penale Mbajtja në pronësi, kontroll ose posedim të paautorizuar të armëve nga neni 366 par.1 të KPRK-së”, thuhet në deklaratë.
