Në Serbi ka vazhduar greva gjeneralë me bllokimin e rrugës “Autokomanda”, e cila të hënen është mbajtur nën menaxhimin e studentëve të ndihmuar nga fermerët që kanë marshuar në krye të grevistëve.

Greva në Serbi ka për qëllim përmbysjen e regjimit të presidentit Vuçiq dhe vartësve të tij që kanë kapur shtetin  në çdo resor jete duke dominuar me korrupison masiv dhe zbatim të politikave të Rusisë së Putinit, për tensione secesioniste në Ballkani n Perëndimor.

Greva në Serbi është në fokusin e plotë euroatlantik dhe ka arritur para dy momenteve: Momenti i parë, propaganda e Serbisë se qëllimi i studentëve është antiperëndimorë dhe e dyta se pushteti i Vuçiqit  ka futur në mesin e studentëve të rinj pro pushtetit dhe pjesëtarë të BIA-s që të përdorin dhunë ndaj studentëve siç ka ndodhur të hënen në Novi Sad, kur të rinjë  serbë të lidhur me pushtetin kanë hyrë mes studentëve dhe kanë qëlluar me mjete të forta bejzbolli, ku ka pësuar lëndime të rënda një studente të cilës i është thyer nofulla nga katër personave të partisë së Vuçiqit.

Analistja amerikane Ivana Stradner ka reaguar ndaj protestave të fundit në Serbi, duke thënë se presidenti Aleksandar Vuçiq është duke krijuar narrativë për perëndimin se protestat janë antiperendimore dhe studentët mbështesin një luftë në Ballkan.

“Kini kujdes! Vuçiq po krijon një narrativë për Perëndimin se protestat në Serbi janë antiperëndimore dhe se studentët mbështesin një luftë në Ballkan! Vuçiq dëshiron ta portretizojë veten si një shtyllë stabiliteti dhe të bindë Perëndimin se nuk ka siguri në Ballkan pa të. Kjo është pikërisht mënyra se si ëndrra Gjeorgjiane ka shantazhuar Perëndimin. I njëjti libër lojërash. Shumë shpejt do ta shihni këtë tregim në hapësirën e informacionit”, ka shkruar ajo në rrjetin social X.

Për më shumë se dy muaj studentët serb janë duke protestuar dhe duke i bllokuar fakultetet në këtë vend, në shenjë pakënaqësie me situatën socio-politike./Telegram News