Komuna e Mitrovicës Veriore ka njoftuar se sot do të vendoset cisterna me ujë të pijen në lagjet e qytetit, meqë furnizimi me ujë të pijes është ndërprerë si pasojë e sulmit të mbrëmshëm në kanalin e Ibër-Lepencit.

Në Lagjen e Boshnjakëve, cisterna do të jetë në orën 13:00, në lagjet pranë Spitalit në orën 13:45 dhe në lagjet pranë stacionit të Policisë në orën 14:30.

“Vazhdimisht në lagje të tjera deri në rifillimin e furnizimit të rregullt me ujë të pijes”, thuhet në njoftim.

Njoftimi:

NJOFTIM PËR QYTETARËT E MITROVICËS VERIORE

Të nderuar qytetarë, si pasojë e sulmit terrorist mbrëmë në kanalin e Ibër-Lepenc, është ndërprerë furnizimi me ujë të pijes.

Ju njoftojmë se sot do të vendoset cisterna me ujë të pijes në lagjet e qytetit të Mitrovicës Veriore, sipas orarit të mëposhtëm:

• 13:00 – Lagjja e Boshnjakëve

• 13:45 – Lagjet pranë Spitalit

• 14:30 – Lagjet pranë Stacionit të Policisë

• Vazhdimisht në lagje të tjera deri në rifillimin e furnizimit të rregullt me ujë të pijes.

Faleminderit për mirëkuptimin dhe bashkëpunimin tuaj.