Ministri i Financave, Hekuran Murati, ka thënë se sipas raportit vjetor të Trust-it, numri i llogarive aktive në vitin 2023 ka qenë 442 mijë e 383.
Kështu deklaroi Murati duke thënë se këto numra janë indikatori më i mirë që po demanton opozitën.
Derisa siç tha ai, krahasuar me vitin 2022, figuron se numri i llogarive është rritur për rreth 13 mijë e 500.
“Sipas raportit vjetor të Trustit, numri i llogarive aktive në vitin 2023, pra llogarive që kanë paguar kontribute, ka qenë 442,383. Zakonisht e kemi dëgjuar opozitën të kontestojë shifrat e ATK-së dhe ASK-së, me pretendimin që nuk janë të sakta, dhe se numri i llogarive aktive në Trust është indikatori më i mirë. Pa hyrë në diskutime se cili indikator është më i saktë, ja edhe numrat e Trustit, që edhe kësaj radhe demantojnë opozitën”, ka thënë Murati.
Më tej, lidhur me numrin e llogarive për vitin 2019 dhe 2021, ai dha një sqarim.
“PS. Në vitet 2019 dhe 2021 ka pasur zgjedhje, prandaj edhe numrat e llogarive aktive në Trust mund të jenë më të fryra në këto dy vite meqenëse ka një numër të konsiderueshëm të vëzhguesve e komisionerëve që raportohen si llogari aktive”, tha tutje ministri.
