Sot rreth orës 14:00, në Sllatinë të Tetovës, janë gjetur pa shenja jete nënë e bijë, teksa bashkëshorti dhe djali i mitur ishin dërguar në spital për ndihmë mjekësore.

Viktimat janë gjetur nga gjyshja – rrjedhimisht nëna e viktimës grua, e cila ka shkuar në cilësinë e mjekes pasi është marrë një thirrje telefonike për ndihmë në urgjencën e Tetovës. Këto detaje janë bërë të ditura në raportin e policisë së Tetovës.

Si i dyshuar për këto vdekje të dyshimta konsiderohet bashkëshorti i gruas së ndjerë, pasi që sipas mjekëve dhe policisë në trupat e viktimave janë gjetur shenja dhune

50 vjeçari pas lëshimit nga spitali është shoqëruar në stacionin policor ku do të mbahet deri në zbardhjen e plotë të rastit.