Zëdhënësi i Lëvizjes Vetëvendosje, Arlind Manxhuka, ka reaguar pas bisedës telefonike të publikuar, ku Shefja e Grupit Parlamentar të VV-së , Mimoza Kusari-Lila, ka komunikuar me kriminelin serb, Milan Radoiçiq.

Manxhuka duke iu referuar kritikave ka thënë se ata që kanë bërë biznese, koalicione, qeveri e miqësi me Radoiçiqin nuk mund të ia bëjnë gjyqin LVV-së.

Derisa theksoi  se qytetari do të gjykojë më së miri.

“Trashëgimia e keqe e tyre nuk bëhet dot mëkat i yni. Ata që kanë bërë biznese, koalicione, qeveri e miqësi me Radoiçiqin nuk mund të na bëjnë gjyqin neve sot. Me neve Radoiçiq ikë maleve me bisht nën shalë, e nuk zë vend në karrigat e zyrës së Kryeministrit. Kjo është sa për përkujtim për të gjithë korin kritikues e akuzues që i kemi dëgjuar dje e sot. Tjerat i gjykon më së mirë qytetari. Ai më së miri e di se ku ishte Lista Serbe dhe Radoiçiq para qeverisë sonë, dhe ku janë sot”, ka shkruar ai./Telegrami.co./