Presidenti i Francës, Emmanuel Macron, ka pritur në një takim presidentin e zgjedhur amerikan, Donald Trump, në Pallatin Elysee, para se të nisen për në Ile de la Cite, ku do të ndodhi ceremonia e rihapjes së katedrales Notre-Dame.
Sipas një zyrtari të presidencës, presidenti ukrainas, Volodymyr Zelensky, do t’i bashkohet gjithashtu takimit, raporton BBC.
Në një deklaratë për mediat, Trump ka theksuar se ai dhe Macron kanë pasur “sukses të madh” gjatë mandatit të tij të parë në detyrë.
“Sigurisht, duket se bota është duke u çmendur pak, dhe ne do të diskutojmë për këtë”, ka shtuar Trump.
Ky udhëtim në Francë shënon kthimin e Trump në skenën ndërkombëtare, edhe pse ende një qytetar privat, ai po përgatitet të trajtojë disa nga krizat më të mëdha globale.
