Lidhja Demokratike e Kosovës po merr pjesë në Konventën e Partisë Demokratike në SHBA në Çikago.

Kështu bëhet e ditur në njoftimin për media, ku ndër tjera thuhet se këtë subjekt politik po e përfaqëson Alush Gashi, i deleguar nga kryetari Lumir Abdixhiku.

“Prof. Gashi, do të qëndrojë për katër ditët e punimeve të Konventës, ku pritet konfirmimi i kandidates për president nga radhët e demokratëve znj. Kamala Harris. LDK angazhohet për marrëdhënie të mira me të dy partitë e mëdha amerikane, si faktor e kontributdhënës historik në kauzën tonë për liri, pavarësi e demokraci”, thuhet tutje.