Kandidatja për deputete nga Lidhja Demokratike e Kosovës (LDK), Rrezarta Krasniqi, ka reaguar ndaj deklaratave të Kryeministrit Albin Kurti lidhur me Marrëveshjen e Washingtonit.
Ajo ka theksuar se pas katër vitesh kundërshtimi dhe sulmesh ndaj kësaj marrëveshjeje, Kurti tashmë e ka pranuar se ajo është e duhur.
Krasniqi vazhdoi duke theksuar se veprimet e Kurtit tregojnë për një person të cili ka mashtruar qytetarët e Kosovës. “Mashtruesi ka emër dhe ai quhet Albin Kurti. Do të mbahesh mend si kryeministri më mashtrues në vend”, ka shkruar ajo.
Sipas Krasniqit, LDK-ja mbetet zgjidhja e vetme për arritjen e stabilitetit në vend. “LDK-ja është zgjidhja e vetme për stabilitetin ndërkombëtar, politik dhe ekonomik. Bashkë do ta bëjmë ndryshimin”, përfundoi ajo.
