Kosova ka shprehur gatishmërinë për të ndihmuar Çekinë në përballimin e vërshimeve që po i ndodhin.

Ministri i Mbrojtjes, Ejup Maqedonci, njoftoi në Facebook se janë të gatshëm të ofrojnë ndihmë përmes kapaciteteve të kërkim-shpëtimit dhe mbështetje humanitare.

Ai shprehu solidaritetin me Çekinë dhe shpresën për kalimin e shpejtë të krizës me sa më pak dëme.

Në Evropën Qendrore, disa shtete po përballen me përmbytje të rënda, përfshirë Rumaninë, Poloninë, Austri dhe Çekinë, ku janë raportuar viktima dhe të zhdukur. Mijëra njerëz janë evakuuar dhe parashikimet sugjerojnë reshje të tjera të shiut.