Këshilli Kombëtar Serb i Kosovës mbështet plotësisht kërkesat e justifikuara të studentëve dhe kërkesat e opozitës serbe për shkarkimin e kryeministrit Millosh Vuçeviq.
Sipas tyre regjimi kriminalo-tradhtar i Aleksandër Vuçiqit, i cili në modelin e tij të qeverisjes zbaton metoda brutale me brigada partiake paramilitare, fillimet e tij i ka pikërisht në veri të Kosovës duke thënë se një numri të madh të serbëve të padisiplinuar iu dogjën veturat nga banditë nga radhët e Partisë Përparimtare Serbe, të tjerët u rrahën dhe disa u tentuan të frikësohen me armë zjarri dhe duke hedhur bomba në shtëpitë e familjeve.
Për shkak të njërit prej njoftimeve të Lëvizjes Kombëtare të Serbëve nga Kosova “Atdheu” ( Otadzbina), në të cilin përshkruhet sjellja frikacake e Aleksandër Vuçiqit gjatë vizitës së tij në pjesën veriore të Mitrovicës gjatë përndjekjes së marsit të vitit 2004, lokaleve të kësaj shoqate iu vu zjarri.
Regjimi i Aleksandër Vuçiqit sipas këshillit, është kriminalo-mafio-tradhtar pasi me nënshkrimin e Marrëveshjes së Brukselit dhe pranimin e propozimit franko-gjerman, ai ka shkelur Kushtetutën e Republikës së Serbisë dhe ka kryer veprën e tradhtisë së lartë kombëtare.
Këshilli Kombëtar Serb i Kosovës shpreson se për dorëzimin e një pjese të territorit shtetëror, Aleksandar Vuçiq do të gjykohet kur të largohet nga pushteti.
“Shumë shpesh, presidenti i Serbisë, Aleksandar Vuçiq, thotë vetë se historia do të mësojë për bëmat e tij ndërtimore në 20 vitet e ardhshme. Do ta bëjnë, por jo për 20, por për 200 vjet, dhe jo për ndërtim, kurora e së cilës është tragjedia e Novi Sadit me 15 të vrarë, por për shkak të veprës kriminale të tradhtisë së lartë kombëtare, të paprecedentë në historinë e popullit Serb”, thuhet ndër të tjera në artikullin e botuar në Danas. /Telegram News
